தூக்குப்போட்டு ரேஷன் கடை ஊழியர் தற்கொலை

திண்டிவனம், 

திண்டிவனம் கிடங்கல்- 1 பிள்ளையார் கோவில் தெருவை சேர்ந்தவர் ராமு(வயது 55). ரேஷன் கடை தற்காலிக ஊழியரான இவர், வீட்டில் சேலையால் தூக்குப்போட்டு தற்கொலை செய்து கொண்டார். இதை பார்த்து அதிர்ச்சி அடைந்த, அவரது குடும்பத்தினர் திண்டிவனம் போலீசாருக்கு தகவல் தெரிவித்தனர். அதன்பேரில் போலீசார் விரைந்து வந்து, ராமுவின் உடலை கைப்பற்றி பிரேத பரிசோதனைக்காக திண்டிவனம் அரசு ஆஸ்பத்திரிக்கு அனுப்பி வைத்தனர். மேலும் அவர் எதற்காக தற்கொலை செய்து கொண்டார் என்பது குறித்து போலீசார் விசாரணை நடத்தி வருகின்றனர்.