ஆடு மேய்த்த மூதாட்டியிடம் நகை பறிப்பு

அரியலூர் மாவட்டம், ஆண்டிமடம் அருகே உள்ள அகினேஸ்புரம் நடுத்தெருவை சோ்ந்தவர் பெரியநாயகம். இவரது மனைவி நட்சத்திரமேரி (வயது 70). இவர் நேற்று மாலை 4 மணி அளவில் வயலில் ஆடு மேய்த்துக் கொண்டிருந்தார். அப்போது அங்கு வந்த மர்ம நபர்கள் திடீரென அவர் காதில் அணிந்திருந்த தோட்டை அறுத்துக் கொண்டு தப்பி ஓடிவிட்டனர். அப்போது அவர் சத்தம் போடவே, அருகில் இருந்தவர்கள் ஓடிவந்து மூதாட்டியை மீட்டு ஆண்டிமடம் அரசு மருத்துவமனையில் சிகிச்சைக்காக சேர்த்தனர். இதுகுறித்த புகாரின்பேரில், ஆண்டிமடம் போலீஸ் இன்ஸ்பெக்டர் குணசேகரன் வழக்குப்பதிவு செய்து விசாரணை நடத்தி வருகிறார்.