விவசாயிகள் குறைதீர்வு கூட்டம்

திருவண்ணாமலை

திருவண்ணாமலை கலெக்டர் அலுவலகத்தில் மாதந்தோறும் விவசாயிகள் குறைதீர்வு கூட்டம் நடைபெறும். 

இந்த கூட்டத்தில் மாவட்டத்தில் உள்ள வேளாண்மை துறை, தோட்டக்கலைத்துறை, வேளாண் வணிகம், வேளாண் பொறியியல் துறை உள்ளிட்ட பல்வேறு துறைகளை சேர்ந்த அதிகாரிகள் கலந்து கொண்டு விவசாயிகளின் குறைகள் மற்றும் கோரிக்கைகளுக்கு பதில் அளிக்க உள்ளனர். 

அதன்படி இந்த மாதத்துக்கான குறைதீர்வு கூட்டம் வருகிற 18-ந் தேதி (வெள்ளிக்கிழமை) நடைபெற உள்ளது.

எனவே விவசாயிகள் மற்றும் விவசாய சங்க பிரதிநிதிகள் கூட்டத்தில் கலந்து கொண்டு பொது கோரிக்கைகளை கூட்டத்தில் தெரிவித்தும், தனிநபர் கோரிக்கைகளை மனுக்களாக அளித்து பயன்பெறலாம் என கலெக்டர் முருகேஷ் தெரிவித்துள்ளார்.