தினத்தந்தி புகார் பெட்டி

பெரம்பலூர் மாவட்டம், குன்னம் வட்டம் மருவத்தூர் கிராமத்தில் அரசு மேல்நிலைப்பள்ளி சமையல் கூடத்திற்கு கியாஸ் அடுப்பு வந்து 10 ஆண்டுகளுக்கு மேல் ஆகிறது. ஆனால் இதுவரை எரிவாயு உருளை  வழங்கவில்லை.  இதனால் விறகு அடுப்பில் சமைத்து வருகின்றனர். எனவே இதுகுறித்து சம்பந்தப்பட்ட அதிகாரிகள் நடவடிக்கை எடுக்க வேண்டும் என கேட்டுக்கொள்கிறோம். 

ராயப்பன், மருவத்தூர், பெரம்பலூர். 

கரூர் மாவட்டம், க.பரமத்தி மொஞ்சனூர் வைரமடை பகுதியில் அமைக்கப்பட்டுள்ள ஒரு மின்கம்பம் செடி கொடிகள் வளர்ந்து மின்கம்பத்தை ஆக்கிரமித்து படர்ந்து இருந்தது. இதனால் மின்விபத்து ஏற்படும் அபாயம் இருந்து வந்தது. இதுகுறித்து தினத்தந்தி புகார் பெட்டியில் செய்தி வெளியிடப்பட்டது. இதனை அறிந்த சம்பந்தப்பட்ட மின்சார வாரிய அதிகாரிகள் விரைந்து நடவடிக்கை எடுத்து அந்த மின்கம்பத்தில் படர்ந்து இருந்த செடி கொடிகளை அகற்றி சுத்தம் செய்தனர். இதற்கு அப்பகுதி மக்கள் செய்தி வெளியிட்ட புகார் பெட்டிக்கும், நடவடிக்கை எடுத்த அதிகாரிகளுக்கும் நன்றி தெரிவித்தனர். 

பொதுமக்கள், வைரமடை, கரூர்.