ஈரோடு மாவட்டத்தில் ஒரே நாளில் 12 ஆயிரம் பேருக்கு கொரோனா தடுப்பூசி

ஈரோடு

தமிழகத்தில் வாரந்தோறும் சனிக்கிழமை கொரோனா தடுப்பூசி செலுத்தும் சிறப்பு முகாம் நடத்தப்படுகிறது. அதன்படி ஈரோடு மாவட்டத்தில் நேற்று முன்தினம் 504 மையங்களில் தடுப்பூசி முகாம் நடந்தது. இந்த முகாமில் முதல் தவணை தடுப்பூசியை 1,990 பேரும், 2-ம் தவணை தடுப்பூசியை 10 ஆயிரத்து 20 பேரும், பூஸ்டர் தடுப்பூசியை 619 பேரும் என மொத்தம் 12 ஆயிரத்து 629 பேர் தடுப்பூசி போட்டுக்கொண்டதாக சுகாதாரத்துறை அதிகாரிகள் தெரிவித்தனர்.