ஆடு மேய்த்த பெண்ணை கர்ப்பமாக்கிய முதியவர் கைது

திருச்சி வடக்கு மணிகண்டம் பகுதியை சேர்ந்தவர் சங்கப்பிள்ளை(வயது 80). இவர், அப்பகுதியை சேர்ந்த திருமணமாகாத 28 வயது ஆடு மேய்க்கும் பெண்ணை வற்புறுத்தி பாலியல் வன்கொடுமை செய்துள்ளார். இதன் காரணமாக அப்பெண்ணுக்கு வயிற்றுவலி ஏற்படவே, அவரை உறவினர்கள் சிகிச்சைக்காக திருச்சி அரசு மருத்துவமனைக்கு அழைத்துச் சென்றனர். அங்கு, அப்பெண்ணை பரிசோதனை செய்த மருத்துவர்கள் அவர் கர்ப்பமாக இருப்பதாக தெரிவித்தனர். இதனைக்கேட்டு அதிர்ச்சி அடைந்த உறவினர்கள் இதுகுறித்து ஜீயபுரம் அனைத்து மகளிர் போலீஸ் நிலையத்தில் புகார் அளித்தனர். புகாரின் அடிப்படையில் போலீசார் வழக்குப்பதிவு செய்து விசாரணை நடத்தி சங்கப்பிள்ளையை கைது செய்தனர்.