மனோன்மணி அம்மன் கோவிலில் 13-ந் தேதி மகா சண்டி யாகம் முகூர்த்தக்கால் நடப்பட்டது

புதுக்கோட்டை கீழ ராஜ வீதியில் அமைந்துள்ள மனோன்மணி அம்மன் கோவிலில் வருடாபிஷேகத்தையொட்டி மங்கள மகா சண்டி யாகம் வருகிற 13-ந் தேதி நடைபெற உள்ளது. அன்றைய தினம் காலை 7 மணி முதல் பூஜைகள் நடைபெறும். முன்னதாக 12-ந் தேதி மாலை 6 மணிக்கு பூர்வாங்க பூஜைகள் தொடங்கும். மங்கள மகா சண்டி யாகத்தையொட்டி கோவிலில் முகூர்த்தக்கால் நடும் நிகழ்ச்சி நேற்று முன்தினம் நடைபெற்றது. இதில் கோவில் முன்பு முகூர்த்தக்கால் நடப்பட்டது. இதில் கோவில் அறங்காவலர்கள், ஆன்மிகவாதிகள், திரளான பக்தர்கள் கலந்து கொண்டனர். கோவிலில் அம்மனுக்கு சிறப்பு அலங்காரம் செய்யப்பட்டு பூஜை நடைபெற்றது. இதில் பக்தர்கள் கலந்து கொண்டு சாமி தரிசனம் செய்தனர்.