வாகனம் மோதி தொழிலாளி பலி

காஞ்சீபுரம் மாவட்டம் படப்பை அடுத்த கரசங்கால் எம்.ஜி.ஆர். நகர் பகுதியை சேர்ந்தவர் லட்சுமிபதி(வயது 46) கியாஸ் சிலிண்டர் கம்பெனியில் வேலை செய்து வந்தார். நேற்று காலை வண்டலூர்- வாலாஜாபாத் சாலை அருகே நடந்து செல்லும் போது அந்த வழியாக வந்த அடையாளம் தெரியாத வாகனம் லட்சுமிபதி மீது மோதிவிட்டு சென்றது.

இதில் படுகாயம் அடைந்த லட்சுமிபதி சம்பவ இடத்திலேயே பலியானார். இது குறித்து தகவல் அறிந்து சம்பவ இடத்திற்கு வந்த குரோம்பேட்டை போக்குவரத்து புலனாய்வு துறை போலீசார் வழக்குப்பதிவு செய்து விசாரித்து வருகின்றனர்.