தீக்குளித்து தொழிலாளி தற்கொலை

கோபால்பட்டி:

சாணார்பட்டி அருகே உள்ள கூ.குரும்பபட்டியை சேர்ந்தவர் புகன் (வயது 35). கூலித்தொழிலாளி. இவருக்கு திருமணமாகி மனைவி, 2 மகன்கள் உள்ளனர். குடும்ப பிரச்சினை காரணமாக புகன் மனமுடைந்த நிவையில் இருந்தார்.

 இந்நிலையில் அவர்  நேற்று முன்தினம் வீட்டில் தனது உடலில் மண்எண்ணெய் ஊற்றி தீ வைத்து தற்கொலைக்கு முயன்றார். 

இதில் வலியால் அலறி துடித்த அவரை  அக்கம்பக்கத்தினர் மீட்டு சிகிச்சைக்காக திண்டுக்கல் அரசு மருத்துவமனையில் சேர்த்தனர்.

 ஆனால் அங்கு சிகிச்சை பலனின்றி புகன் நேற்று உயிரிழந்தார். இது குறித்து சாணார்பட்டி போலீசார் வழக்குப்பதிவு செய்து விசாரணை நடத்தி வருகின்றனர்.