திருச்செங்கோட்டில் ரூ.80 லட்சத்துக்கு மஞ்சள் ஏலம் நடந்தது.

எலச்சிப்பாளையம்:

திருச்செங்கோடு வேளாண்மை உற்பத்தியாளர்கள் கூட்டுறவு விற்பனை சங்க தலைமையகத்தில் நேற்று மஞ்சள் ஏலம் நடந்தது. இதில் பல்வேறு பகுதிகளில் இருந்து விவசாயிகள் 1,600 மூட்டை மஞ்சளை விற்பனைக்காக கொண்டு வந்திருந்தனர். விரலி ரக மஞ்சள் ஒரு குவிண்டால் ரூ.7 ஆயிரத்து 689 முதல் ரூ.11 ஆயிரத்து 23 வரையும், கிழங்கு ரக மஞ்சள் ஒரு குவிண்டால் ரூ.7 ஆயிரத்து 69 முதல் ரூ.8 ஆயிரத்து 319 வரையும், பனங்காளி ரக மஞ்சள் ஒரு குவிண்டால் ரூ.11 ஆயிரத்து 656 முதல் ரூ.19 ஆயிரத்து 402 வரையும் ஏலம் போனது. மொத்தம் ரூ.80 லட்சத்துக்கு மஞ்சள் விற்பனையானது.