வளவனூர் குமாரபுரியில் ராகவேந்திர சுவாமியின் 427 வது அவதார தினவிழா

விழுப்புரம்

விழுப்புரத்தை அடுத்த வளவனூர் குமாரபுரியில் நரையூர் செல்லும் சாலையில் ராகவேந்திர சுவாமிகள் கோவில் உள்ளது. இந்த கோவிலில் ராகவேந்திர சுவாமியின் 427-வது அவதார தினவிழா நேற்று நடைபெற்றது. விழாவையொட்டி காலை 7 மணிக்கு மகா அபிஷேகம், 10 மணிக்கு தீபாராதனை நடைபெற்றது. இதில் வளவனூர் மற்றும் சுற்றுவட்டார பகுதியை சேர்ந்த திரளான பக்தர்கள் கலந்துகொண்டு சாமி தரிசனம் செய்தனர். பக்தர்கள் அனைவருக்கும் பிரசாதம் வழங்கப்பட்டது.  தொடர்ந்து, மாலை 6 மணிக்கு ராகவேந்திர சுவாமிக்கு தீபாராதனை நடந்தது. இதைத் தொடர்ந்து குருவி வேங்கை தொல்காப்பியன் தலைமையில் ராகவேந்திரா பக்தி பஜனை நடைபெற்றது. விழா ஏற்பாடுகளை கோவில் நிர்வாகி சங்கரலிங்கம் மற்றும் வளவனூர், காராமணிக்குபபம் கிராம மக்கள் செய்திருந்தனர்.