ரெயில்வே தண்டவாளத்தில் ஆண் பிணம் போலீஸ் விசாரணை

விழுப்புரம்

விழுப்புரத்தை அடுத்த தெளி கிராமத்தில் ரெயில்வே கேட் அருகில் உள்ள தண்டவாளத்தில்  55 வயது மதிக்கத்தக்க ஆண் ஒருவர் பிணமாக கிடந்தார். இதுகுறித்த தகவலின்பேரில் விழுப்புரம் ரெயில்வே போலீசார், சம்பவ இடத்திற்கு விரைந்து சென்று பிணத்தை கைப்பற்றி பிரேத பரிசோதனைக்காக முண்டியம்பாக்கம் அரசு மருத்துவமனைக்கு அனுப்பி வைத்தனர். மேலும் பிணமாக கிடந்தவர் அங்குள்ள ரெயில்வே தண்டவாளத்தை கடக்க முயன்றபோது ரெயிலில் அடிபட்டு இறந்திருப்பது தெரியவந்தது. மேலும் அவர் யார்?, எந்த ஊரை சேர்ந்தவர்? என்பது குறித்து போலீசார் வழக்குப்பதிவு செய்து விசாரணை நடத்தி வருகின்றனர்.