சின்னமனூர் நகராட்சி தலைவர் பதவி ஏற்பு

சின்னமனூர்:

சின்னமனூர் நகராட்சியில் தி.மு.க.வை சேர்ந்த அய்யம்மாள் மறைமுக வாக்கெடுப்பு மூலம் தலைவராக தேர்ந்தெடுக்கப்பட்டர். துணைத்தலைவராக முத்துக்குமார்(தி.மு.க.) தேர்வு செய்யப்பட்டார். இதனையடுத்து நேற்று சின்னமனூர் நகராட்சி அலுவலக வளாகத்தில் நகராட்சி தலைவர் மற்றும் துணைத்தலைவர் பதவி ஏற்பு விழா நடைபெற்றது. இதற்கு கம்பம் எம்.எல்.ஏ.வும், தேனி தெற்கு மாவட்ட தி.மு.க. பொறுப்பாளருமான கம்பம் ராமகிருஷ்ணன் முன்னிலை வகித்தார்.  விழாவில் சின்னமனூர் நகராட்சி ஆணையாளர்(பொறுப்பு) ராஜவேல், தலைவர் மற்றும் துணைத்தலைவருக்கு பதவிப்பிரமாணம் செய்து வைத்தார். இதில் சின்னமனூர் நகராட்சி கவுன்சிலர்கள், தி.மு.க.வினர் மற்றும் பொதுமக்கள் பலர் கலந்து கொண்டனர்.