தொழிற்சாலையில் திருடியவர் சிக்கினார்

திருவெறும்பூர் ஒன்றியத்திற்குட்பட்ட பத்தாளப்பேட்டை ஊராட்சியை சேர்ந்தவர் சகாயராஜ் (வயது 47). இவர் பத்தாளப்பேட்டை அருகே உள்ள புத்தாம்பூரில் தொழிற்சாலை நடத்தி வருகிறார். அந்த தொழிற்சாலையில் கடந்த 2 ஆண்டு காலமாக அடிக்கடி இரும்பு பொருட்கள் மற்றும் கேபிள் வயர்கள் அடிக்கடி திருட்டு போயின. இதுகுறித்து திருவெறும்பூர் போலீசில் அவர் புகார் அளித்தார்.

இந்தநிலையில், நேற்று முன்தினம் இரவு தொழிற்சாலைக்குள் புகுந்த மர்ம நபர் ஒருவர் அங்கிருந்த இரும்பு பொருட்களை திருடியது தெரியவந்தது. அவரை சகாயராஜ் மற்றும் அப்பகுதி மக்கள் கையும்-களவுமாக பிடித்து திருவெறும்பூர் போலீசில் ஒப்படைத்தனர். அவரிடம் போலீசார் விசாரணை நடத்தியபோது அவர் காட்டூரை அடுத்த ரயில் நகரை சேர்ந்த சேட்டு (50) என்பது தெரியவந்தது. அவரை போலீசார் கைது செய்தனர்.