தர்மபுரியில் ரெயில் மோதி வாலிபர் பலி

தர்மபுரி:

தர்மபுரி-பென்னாகரம் சாலையிலுள்ள ரெயில்வே மேம்பாலம் அருகே தண்டவாளத்தில் 30 வயது மதிக்கத்தக்க வாலிபர் காயங்களுடன் இறந்து கிடந்தார். இதுகுறித்து அந்த வழியாக சென்றவர்கள் தர்மபுரி ரெயில்வே போலீசாருக்கு தகவல் தெரிவித்தனர். அதன்பேரில் ரெயில்வே போலீசார் சம்பவ இடத்திற்கு சென்று பார்வையிட்டனர். அப்போது அந்த நபர் ரெயில் தண்டவாளத்தை கடந்தபோது அந்த வழியாக சென்ற ரெயில் மோதி இறந்திருப்பது தெரியவந்தது. வாலிபர் குறித்து அக்கம் பக்கத்தினரிடம் போலீசார் விசாரணை நடத்தினர். ஆனால் அவர் யார்? எந்த ஊரை சேர்ந்தவர்? என்ற விவரம் தெரியவில்லை. இதையடுத்து ரெயில்வே போலீசார், இறந்த வாலிபரின் உடலை கைப்பற்றி பிரேத பரிசோதனைக்காக தர்மபுரி அரசு ஆஸ்பத்திரிக்கு அனுப்பி வைத்தனர்.  இதுதொடர்பாக தர்மபுரி ரெயில்வே போலீஸ் சப்-இன்ஸ்பெக்டர் ராமசாமி மற்றும் போலீசார் வழக்குப்பதிவு செய்து விசாரணை நடத்தி வருகிறார்கள்.