முதல் அமைச்சர் பங்கேற்ற நிகழ்ச்சியை பள்ளிகளில் காணொலி காட்சி மூலம் பார்க்க ஏற்பாடு

பொள்ளாச்சி

நான் முதல்வன் என்னும் தலைப்பில் பள்ளி, கல்லூரி மாணவர்கள் மற்றும் இளைஞர்களுக்கான திறன் மேம்பாட்டிற்கான திட்ட தொடக்க விழா நேற்று சென்னை கலைவாணர் அரங்கில் நடைபெற்றது. 

விழாவில் முதல்-அமைச்சர் மு.க.ஸ்டாலின் கலந்துகொண்டு திட்டத்தை தொடங்கிவைத்து பேசினார். இதையொட்டி பொள்ளாச்சி கல்வி மாவட்டத்தில் உள்ள அனைத்து அரசு பள்ளிகளில் மாணவ-மாணவிகள் நிகழ்ச்சியை காணொலி காட்சி மூலம் பார்ப்பதற்கு ஏற்பாடு செய்யப்பட்டு இருந்தது.

 பொள்ளாச்சி மகாலிங்கபுரத்தில் உள்ள மாரியம்மாள் பெண்கள் மேல்நிலைப்பள்ளியில் திறன் மேம்பாட்டிற்கான திட்ட தொடக்க விழாவை மாணவிகள் நேரில் பார்க்கும் வகையில் 2 அறைகளில் வசதி ஏற்படுத்தப்பட்டது. 

விழாவில் முதல்-அமைச்சர் மு.க.ஸ்டாலின் பேச்சை மாணவிகள் ஆர்வமுடன் கேட்டனர். அப்போது முதல்-அமைச்சர் பேசுகையில், படிப்புடன் திறமையை வளர்த்துக் கொள்ள வேண்டும். அப்போது தான் வாழ்க்கையில் சாதிக்க முடியும் என்று கூறினார்.