தினத்தந்தி புகார் பெட்டி

மேற்கூரை கம்பி சீரமைக்கப்படுமா?

தஞ்சை அரசு மருத்துவக்கல்லூரி ஆஸ்பத்திரிக்கு உள்ளூர் மட்டுமின்றி வெளிமாவட்டங்களில் இருந்தும் பொதுமக்கள் வந்து சிகிச்சை பெற்று செல்கின்றனர். இந்த நிலையில் ஆஸ்பத்திரியில் உள்ள பழைய கட்டிடத்தின் முன்பு அமைக்கப்பட்டுள்ள மேற்கூரை பராமரிப்பின்றி காணப்படுகிறது. குறிப்பாக மேற்கூரையை தாங்கி பிடித்துள்ள இரும்பு கம்பிகள் துருப்பிடித்து உள்ளது. மேலும், கம்பியின் அடிப்பகுதி உடைந்து உள்ளதால் மேற்கூரை எப்போது வேண்டுமானாலும் கீழே விழும் சூழல் ஏற்பட்டுள்ளது. இதனால் அந்த பகுதியை பொதுமக்கள் அச்சத்துடன் கடந்து சென்று வருகின்றனர். எனவே, சம்பந்தப்பட்ட அதிகாரிகள் மேற்கூரையை தாங்கிபிடித்துள்ள சேதமடைந்த கம்பியை அகற்றிவிட்டு புதிய கம்பி அமைக்க நடவடிக்கை எடுப்பார்களா?

-பொதுமக்கள், தஞ்சை.