நடிகர் ராகவா லாரன்ஸ் சாமி தரிசனம்

உலக புகழ்பெற்ற பழனி முருகன் கோவிலுக்கு தினசரி ஆயிரக்கணக்கான பக்தர்கள் வருகை தருகின்றனர். அதேபோல் சினிமா பிரபலங்கள், அரசியல் தலைவர்கள் என பலரும் பழனிக்கு வந்து முருகப்பெருமானை தரிசித்து செல்கின்றனர்.

இந்தநிலையில் நடிகர் ராகவா லாரன்ஸ் நேற்று பழனி முருகன் கோவிலுக்கு வந்தார். அப்போது அவர் அடிவாரத்தில் இருந்து ரோப்கார் மூலம் மலைக்கோவிலுக்கு சென்றார். அங்கு பூஜையில் கலந்துகொண்டு முருகப்பெருமானை தரிசனம் செய்தார். தொடர்ந்து உட்பிரகாரத்தை சுற்றி வந்து வழிபட்டார்.

பின்னர் அவர் மீண்டும் ரோப்கார் மூலம் அடிவாரத்துக்கு வந்து காரில் புறப்பட்டு சென்றார். முன்னதாக தரிசனத்துக்கு வந்த ராகவா லாரன்சை கண்ட பக்தர்கள் சிலர், அவருடன் செல்போனில் செல்பி எடுத்து மகிழ்ந்தனர்.