வீட்டில் பதுக்கிய 7 டன் ரேஷன் அரிசி பறிமுதல்

நெல்லை:

நெல்லை மாவட்ட வழங்கல் அலுவலர் குழந்தைசாமி, பறக்கும் படை தாசில்தார் சங்கர் மற்றும் நெல்லை மாவட்ட உணவுப்பொருள் கடத்தல் தடுப்பு பிரிவு போலீஸ் சப்-இன்ஸ்பெக்டர்கள் சரவணபோஸ், மனோகரன் மற்றும் போலீசார் நேற்று நெல்லை அருகே உள்ள தாழையூத்து ராம்நகரில் சோதனை நடத்தினார்கள். அப்போது அங்கு ஒரு வீட்டில் 7 ஆயிரத்து 200 கிலோ ரேஷன் அரிசி பதுக்கி வைக்கப்பட்டிருந்தது தெரியவந்தது.

இதைத்தொடர்ந்து போலீசார் அந்த ரேஷன் அரிசியையும், வேனையும் பறிமுதல் செய்தனர். ரேஷன் அரிசியை பதுக்கி வைத்ததாக தாழையூத்தை சேர்ந்த கலைஞர் என்பவர் மீது வழக்குப்பதிவு செய்து அவரை தேடி வருகிறார்கள்.