டிராக்டரில் அடிபட்டு பெண் பலி

ஆவுடையார்கோவில் அருகே உள்ள அமரடக்கியை சேர்ந்தவர் ஆரோக்கி யசாமி. இவரது மனைவி பாப்பா (வயது 50). சற்று மனநலம் பாதிக்கப்பட்ட அவர், ஆவுடையார்கோவில்-மீமிசல் சாலையில் காசியார்மடம் அருகே வந்த டிராக்டரில் அடிபட்டு சம்பவ இடத்திலேயே இறந்து போனார். இதுகுறித்து தகவலறிந்த ஆவுடையார்கோவில் போலீஸ் சப்-இன்ஸ்பெக்டர் ரவிச்சந்திரன் மற்றும் போலீசார் சம்பவ இடத்திற்கு வந்து உடலை மீட்டு ஆவுடையார் கோவில் அரசு மருத்துவமனைக்கு அனுப்பி வைத்தனர். மேலும், இதுகுறித்து விசாரணை நடத்தி வருகின்றனர்.