படிக்கட்டில் இருந்து தவறி விழுந்தவர் சாவு

கீழப்பழுவூர்:

அரியலூர் மாவட்டம் திருமானூர் ஒன்றியத்துக்கு உட்பட்ட கீழக்கொளத்தூர் கிராமத்தை சேர்ந்தவர் உதயகுமார்(வயது 52). இவர் சம்பவத்தன்று அவர்களது கிராமத்தில் அம்பேத்கர் நகரில் உள்ள மேடை படிக்கட்டில் இருந்து தவறி விழுந்துள்ளார். அருகில் இருந்தவர்கள் அவரை மீட்டு சிகிச்சைக்காக தஞ்சை அரசு மருத்துவக் கல்லூரி மருத்துவமனையில் சேர்த்தனர். அங்கு சிகிச்சை பலனின்றி அவர் பரிதாபமாக உயிரிழந்தார். இதுகுறித்து கீழப்பழுவூர் போலீசார் வழக்குப்பதிவு செய்து விசாரணை நடத்தி வருகின்றனர்.