சென்னை சென்டிரல்-அரக்கோணம் இடையே மின்சார ரெயில் சேவையில் மாற்றம்: தெற்கு ரெயில்வே அறிவிப்பு

சென்னை எம்.ஜி.ஆர். சென்டிரல்-அரக்கோணம் இடையே பராமரிப்பு பணி காரணமாக கீழ்க்கண்ட மின்சார ரெயில் சேவைகளில் மாற்றம் செய்யப்பட்டுள்ளன.

* மூர்மார்க்கெட்டில் இருந்து ஆவடிக்கு நள்ளிரவு 12.15 மணிக்கும், சென்னை கடற்கரையில் இருந்து அரக்கோணத்துக்கு அதிகாலை 1.20 மணிக்கும், அரக்கோணத்தில் இருந்து சென்னை கடற்கரைக்கு அதிகாலை 4 மணிக்கும் புறப்படும் மின்சார ரெயில்கள் இன்று (ஞாயிற்றுக்கிழமை) மற்றும் நாளை (திங்கட்கிழமை) முழுவதுமாக ரத்து செய்யப்படுகிறது.

* அரக்கோணத்தில் இருந்து வேளச்சேரிக்கு அதிகாலை 4 மணிக்கு இயக்கப்படும் மின்சார ரெயில் நாளை அரக்கோணம்-கடற்கரை இடையே பகுதியாக ரத்து செய்யப்படுகிறது.

* சென்னை கடற்கரையில் இருந்து திருவள்ளூருக்கு காலை 9.55 மணிக்கு இயக்கப்படும் மின்சார ரெயில் 6, 13, 20-ந்தேதிகளில் ஆவடி-திருவள்ளூர் இடையே பகுதியாக ரத்து செய்யப்படுகிறது.

* திருவள்ளூரில் இருந்து ஆவடிக்கு நள்ளிரவு 12 மணிக்கு இயக்கப்படும் மின்சார ரெயில் 6, 13, 20 ஆகிய தேதிகளில் முழுவதுமாக ரத்து செய்யப்படுகிறது.

இவ்வாறு அதில் கூறப்பட்டுள்ளது.