மது விற்ற 13 பேர் கைது
தூத்துக்குடி மாவட்டத்தில் மது விற்ற 13 பேரை போலீசார் கைது செய்தனர்.
தூத்துக்குடி:
தூத்துக்குடி மாவட்ட போலீஸ் சூப்பிரண்டு ஜெயக்குமார் உத்தரவின் பேரில் போலீசார் தீவிர கண்காணிப்பு பணியில் ஈடுபட்டு இருந்தனர். அப்போது சட்டவிரோதமாக புகையிலைப் பொருட்கள் மற்றும் மதுபாட்டில்கள் விற்பனையில் ஈடுபட்டவர்கள் மீது 23 வழக்குகள் பதிவு செய்யப்பட்டு, 25 பேர் கைது செய்யப்பட்டனர். இதில் சட்டவிரோதமாக மதுபாட்டில்கள் விற்பனை செய்த 13 பேரும், புகையிலைப் பொருட்கள் விற்பனை செய்த 12 பேரும் கைது செய்யப்பட்டனர். அவர்களிடம் இருந்து 9 ஆயிரத்து 61 புகையிலைப் பாக்கெட்டுகள், 93 மதுபாட்டில்கள் மற்றும் ஒரு மோட்டார் சைக்கிள் பறிமுதல் செய்யப்பட்டது. இதுகுறித்து சம்பந்தப்பட்ட போலீசார் வழக்குப்பதிவு செய்து விசாரணை நடத்தி வருகின்றனர்.