காதலித்த ஆசிரியை ஐ.ஜி.யிடம் புகார் செய்ததால் திருச்சி போலீஸ்காரர் தற்கொலை

இந்நிலையில் சுரேசின் தாய் பிரபாவதி பெரம்பலூர் போலீஸ் நிலையத்தில் நேற்று ஒரு புகார் கொடுத்தார். அதில், கடந்த 2 ஆண்டுகளுக்கு முன்பு சுரேசை புள்ளம்பாடியை சேர்ந்த ஒரு பெண் காதலித்து வந்துள்ளார். அவர்களுக்கு இடையே ஏற்பட்ட கருத்து வேறுபாடு காரணமாக இருவரும் பிரிந்து விட்டனர். இதையடுத்து தான் சுரேசுக்கு வேறொரு பெண்ணுடன் வருகிற 7-ந்தேதி திருமணம் செய்து வைக்க ஏற்பாடு செய்தோம். இந்த நிலையில் சுரேசை காதலித்த பெண், தற்போது சுரேஷ் திருமணத்திற்கு பார்த்து வைத்திருந்த பெண் வீட்டிற்கு சென்று நான் சுரேசை காதலிக்கிறேன். நீ எப்படி சுரேசை திருமணம் செய்து கொள்வாய்? என்று கேட்டு, தகாத வார்த்தையால் திட்டி, அசிங்கப்படுத்தி வந்ததாக திருமணத்திற்கு பார்த்து வைத்திருந்த பெண் குடும்பத்தினர் தெரிவித்தனர்.

காதலித்த பெண், திருமணம் செய்து கொள்ள இருந்த பெண் வீட்டிற்கு சென்று அசிங்கப்படுத்தி வந்ததால் சுரேஷ் மனமுடைந்து பெரம்பலூரில் தனியார் தங்கும் விடுதியில் விஷம் தின்றார். பின்னர் மேல் சிகிச்சைக்காக திருச்சி தனியார் மருத்துவமனையில் சிகிச்சையில் இருந்தபோது சுரேசிடம் விசாரித்ததில், ரூ.10 லட்சம் கொடுத்தால் வேறொரு பெண்ணை திருமணம் செய்ய விடுவதாகவும், இல்லையென்றால் சுரேஷ் மீது போலீசாரிடம் புகார் கொடுப்பதாகவும் காதலித்த பெண், மேலும் அவருடைய குடும்பத்தை சேர்ந்த 3 பேர் மற்றும் வக்கீல், ஒரு அரசியல் கட்சியை சேர்ந்த ஒருவர் ஆகியோர் மிரட்டியுள்ளனர்.

அவர்கள் பணம் கேட்டு மிரட்டியதால்தான் சுரேஷ் தற்கொலை செய்து கொண்டார். எனவே அவர்கள் மீது நடவடிக்கை எடுக்க வேண்டும் என்று கூறியிருந்தார். அதன்பேரில் சுரேசை தற்கொலைக்கு துண்டியதாக, அவரது காதலி உள்பட 6 பேர் மீது பெரம்பலூர் போலீசார் வழக்குப்பதிவு செய்து தொடர்ந்து விசாரணை நடத்தி வருகின்றனர்.