விஷம் குடித்து தொழிலாளி தற்கொலை

திருவட்டார்:

திருவட்டாரை அடுத்த வீயன்னூர் ஏழாம் கோட்டு விளையைச் சேர்ந்தவர் ஜெஸ்டின் மோகன்தாஸ் (வயது 42). தொழிலாளியான இவருடைய மனைவி சகிலா. இவர்களுக்கு 1 மகனும், 1 மகளும் உள்ளனர். ஜெஸ்டின் அடிக்கடி மதுகுடித்து விட்டு வந்து தகராறு செய்ததால் கணவன், மனைவி இடையே பிரச்சினை உருவானது. இதனால் சகிலா அவரை விட்டு பிரிந்து சென்று குழந்தைகளுடன் தனியாக வசித்து வருகிறார். இந்தநிலையில் நேற்றுமுன்தினம் ஜெஸ்டின் வீட்டில் விஷம் குடித்த நிலையில் உயிருக்காக போராடினார். உடனே அவரை அக்கம் பக்கத்தினர் மீட்டு சிகிச்சைக்காக ஆசாரிபள்ளம் அரசு ஆஸ்பத்திரியில் சேர்த்தனர். அங்கு தீவிர சிகிச்சை அளித்தும் பலனின்றி அவர் பரிதாபமாக இறந்தார். மேலும் இதுகுறித்த புகாரின் பேரில் திருவட்டார் போலீசார் வழக்குப்பதிவு செய்து விசாரணை நடத்தி வருகின்றனர்.