மோட்டார் சைக்கிள் திருடிய வாலிபர் கைது

நெல்லை:

பாளையங்கோட்டை டக்கரம்மாள்புரம் விவேகானந்தர் காலனியை சேர்ந்தவர் மரிய சுந்தர்ராஜ் (வயது 60). இவர் சம்பவத்தன்று தனது மோட்டார் சைக்கிளை நெல்லை மாவட்ட போலீஸ் சூப்பிரண்டு அலுவலகம் அருகே நிறுத்திவிட்டு வெளியே சென்றிருந்தார். பின்னர் சிறிது நேரம் கழித்து வந்து பார்த்தபோது மோட்டார் சைக்கிளை காணவில்லை. அதனை யாரோ மர்ம நபர் திருடிச் சென்றது தெரியவந்தது. இதுகுறித்த புகாரின்பேரில் பாளையங்கோட்டை குற்றப்பிரிவு போலீசார் வழக்கு பதிவு செய்து விசாரணை நடத்தி வந்தனர்.

அதில் மோட்டார் சைக்கிளை திருடி சென்றது பாளையங்கோட்டை ரகுமத் நகர் தெற்கு தெருவை சேர்ந்த சங்கர் (31) என்பது தெரிய வந்தது. உடனே போலீசார் சங்கரை நேற்று கைது செய்தனர். மேலும் அவரிடம் இருந்து மோட்டார் சைக்கிளை பறிமுதல் செய்தனர்.