மளிகை கடைக்காரரை வாளால் மிரட்டிய 2 பேர் கைது
திருப்பத்தூரில் மளிகை கடைக்காரரை வாளால் மிரட்டிய 2 பேர் கைது செய்யப்பட்டனர்.
திருப்பத்தூர்,
திருப்பத்தூர் அச்சுக்கட்டு தெருவைச் சேர்ந்தவர் சுகர்ணூ. இவருடைய மகன்கள் முகமது ரியாஸ் (வயது 21) காஜாமைதீன் (20). இவர்கள் இருவரும் புதுக்கோட்டை ரோடு காண்பா நகரிலுள்ள பகுர்தீன் என்பவருடைய மளிகை கடையில் குடிபோதையில் பொருட்களை தள்ளிவிட்டு தகராறு செய்துள்ளனர். இதை தட்டிக்கேட்ட பகுர்தீன் மற்றும் பக்கத்து கடைக்காரர்களுடன் சண்டை போட்டுள்ளனர். பின்னர் முகமது ரியாஸ் வீட்டுக்கு சென்று வாளை எடுத்து வந்து மிரட்டி உள்ளார்.
மேலும் கற்களை கொண்டும் எறிந்து அவர்களை காயப்படுத்தி உள்ளனர். காயம்பட்ட வர்கள் திருப்பத்தூர் அரசு மருத்துவமனையில் சிகிச்சை பெற்றனர். இதுகுறித்து தகவலறிந்த திருப்பத்தூர் போலீசார் சம்பவ இடத்திற்கு வந்து முகமது ரியாஸ் மற்றும் காஜாமைதீன் ஆகிய 2 பேரையும் கைது செய்தனர். இது குறித்து சப்-இன்ஸ்பெக்டர் ஜானகிராமன் வழக்குப்பதிவு செய்து விசாரித்து வருகின்றனர்.