ஸ்கூட்டரில் சென்ற பெண்ணிடம் நகை பறிப்பு

உப்புக்கோட்டை:

வீரபாண்டி அருகே உள்ள தர்மாபுரி மேற்கு தெருவை சேர்ந்தவர் பிரபு (வயது 30). விவசாயி. இவரது மனைவி முத்துச்செல்வி (26). இவர் தேனி-கம்பம் சாலையில் எஸ்.பி.எஸ்.காலனி பகுதியில் ஸ்கூட்டரில் சென்று கொண்டிருந்தார். 

அப்போது பின்னால் மோட்டார் சைக்கிளில் வந்த மர்மநபர்கள் திடீரென்று முத்துச்செல்வி கழுத்தில் அணிந்திருந்த 2 பவுன் நகையை பறித்துக்கொண்டு தப்பி ஓடிவிட்டனர். 

இதுகுறித்து வீரபாண்டி போலீஸ் நிலையத்தில் முத்துச்செல்வி புகார் அளித்தார். அதன்பேரில் போலீசார் வழக்குப்பதிவு செய்து விசாரணை நடத்தி வருகின்றனர்.