நொய்யலில் அச்சு வெல்லம் விலை வீழ்ச்சி-சிப்பம் ரூ.1,300-க்கு விற்பனை

நொய்யல் மற்றும் அதன் சுற்றுவட்டார பகுதிகளான நடையனூர், கரைப்பாளையம், திருக்காடுதுறை, பாலத்துறை, தளவாபாளையம், நஞ்சை புகளூர் உள்ளிட்ட பல்வேறு பகுதிகளை சேர்ந்த விவசாயிகள் ஆயிரக்கணக்கான ஏக்கரில் கரும்பு பயிரிட்டுள்ளனர். இதனை வெல்லம் தயாரிக்கும் ஆலைகளுக்கு டன் கணக்கில் விற்பனை செய்து வருகின்றனர்.

கரும்புகளை சாறுபிழிந்து பாகு தயாரித்து அச்சு வெல்லம், உருண்டை வெல்லம், நாட்டுச்சர்க்கரை  தயாரிக்கின்றனர். தயாரித்த வெல்லங்களை 30 கிலோ கொண்ட சிப்பங்களாக தயாரித்து உள்ளூர் வியாபாரிகளுக்கும், பிலிக்கல் பாளையத்தில் செயல்பட்டு வரும் ஏல மார்க்கெட்டிற்கும் கொண்டு சென்று விற்பனை செய்து வருகின்றனர்.

இந்தநிலையில் கடந்த வாரம் 30 கிலோ கொண்ட ஒரு சிப்பம் உருண்டை வெல்லம் ரூ.1,300-க்கும், அச்சு வெல்லம் ரூ.1,500-க்கும் விற்பனையானது. நேற்று முன்தினம் உருண்டை வெல்லம் சிப்பம் ரூ.1,200-க்கும், அச்சு வெல்லம் ரூ.1,300-க்கும் விற்பனையானது.

தொடர் மழையின் காரணமாக அச்சு வெல்லம் விலை வீழ்ச்சி அடைந்துள்ளதாக வியாபாரிகள் தெரிவித்தனர்.