நெல்லையில் பரவலாக மழை

நெல்லை:

நெல்லை மாநகர பகுதியான நெல்லை சந்திப்பு, டவுன், தச்சநல்லூர், பாளையங்கோட்டை, மேலப்பாளையம் உள்ளிட்ட பகுதிகளில் நேற்று மதியம் 2 மணி வரை வெயில் அடித்தது. தொடர்ந்து மாலை 3 மணிக்கு வானம் மேகமூட்டமாக காணப்பட்டது. 

பின்னர் சிறிது நேரத்தில் பரவலாக மழை பெய்தது. இதனால் சாலைகள் சேறும் சகதியுமாக காணப்பட்டது. தாழ்வான பகுதிகளில் மழைநீர் குளம்போல் தேங்கியது.

இதேபோல் நெல்லை பேட்டை, கல்லூர், சேரன்மாதேவி பகுதியிலும் மழை பெய்தது.