லாரி மோதி தொழிலாளி பலி

நெல்லை:

தூத்துக்குடி மாவட்டம் மணக்கரையை சேர்ந்தவர் சிவசுப்பிரமணியன் (வயது 36). தொழிலாளியான இவர், அதே பகுதியை சேர்ந்த ராஜதுரை என்பவருடன் மோட்டார் சைக்கிளில் நெல்லையை அடுத்த கங்கைகொண்டான் சிப்காட் பகுதியில் உள்ள 4 வழிச்சாலையில் நேற்று இரவு சென்று கொண்டிருந்தார். 

அப்போது அந்த வழியாக வந்த லாரி, மோட்டார் சைக்கிள் மீது மோதியது. இதில் சிவசுப்பிரமணியன் சம்பவ இடத்திலேயே பலியானார். ராஜதுரை காயம் அடைந்தார்.  இதுகுறித்து கங்கைகொண்டான் போலீசார் வழக்குப்பதிவு செய்து விசாரணை நடத்தி வருகின்றனர்.