பணிபுரியும் இடத்தில் பாலியல் தொல்லை ஏற்பட்டால்-பெண்கள் துணிவுடன் உயர் அதிகாரிகளிடம் புகார் தெரிவிக்க வேண்டும்-கலெக்டர் அறிவுரை

சிவகங்கை மாவட்ட சமூகநலத்துறை மற்றும் மகளிர் உரிமைத்துறையின் மூலம் பெண்களுக்கு எதிரான பாலியல் துன்புறுத்தல் தொடர்பான விழிப்புணர்வு கருத்தரங்கம் கலெக்டர் அலுவலகத்தில் நடைபெற்றது. கருத்தரங்கிற்கு கலெக்டர் மதுசூதன்ரெட்டி, தலைமை தாங்கினார். மாவட்ட சமூகநல அலுவலர் அன்பு குளோரியா வரவேற்று பேசினார். விழாவில் கலெக்டர் பேசியதாவது:-
அதனைத்தொடர்ந்து, உச்சநீதிமன்ற வழிகாட்டுதலின்படி, சட்டம் பிறப்பிக்கப்பட்டது. பெண்கள் பணிபுரியும் இடத்தில் பாலியல் கொடுமைகள் ஏற்படும் சூழ்நிலை இருந்தால் உயர் அதிகாரிகள் கவனத்திற்கு எடுத்துச் செல்ல வேண்டும். இச்சட்டத்தில் தவறுகள் செய்பவர்களுக்கு உரிய தண்டனை வழங்கும் வகையில், அலுவலர்கள் நியிமிக்கப்பட்டு கண்காணிக்கப்பட்டு வருகிறார்கள். எனவே, பெண்கள் எந்தச்சூழ்நிலையிலும் அச்சம் கொள்வதோ அல்லது தவறான முடிவுகளுக்கு செல்வது என்ற நிலையை உருவாக்கக்கூடாது.
இவ்வாறு அவர் கூறினார்.
இந்த நிகழ்ச்சியில் மாவட்ட குழந்தைகள் பாதுகாப்புத்துறை அலுவலர் மணிமேகலை, மாவட்ட கலெக்டரின் நேர்முக உதவியாளர் (சட்டம்) மேரிதபிதாள், சமூக நல பாதுகாப்பு அலுவலர் சுதா மற்றும் அரசு அலுவலர்கள் கலந்து கொண்டனர்.
--------