கொலை மிரட்டல் விடுத்த வாலிபர் கைது
பெண்ணுக்கு கொலை மிரட்டல் விடுத்த வாலிபர் கைது செய்யப்பட்டார்.
மதுரை,
மதுரை அண்ணாநகர் தாசில்தார் நகரை சேர்ந்தவர் பாக்கியலட்சுமி (வயது 39). அதே பகுதியை சேர்ந்தவர் ஹரிதாஸ் (34). இவர் பாக்கியலட்சுமியிடம் 60 ஆயிரம் ரூபாய் கடன் வாங்கி இருந்தார். குறித்த காலத்திற்குள் அந்த பணத்தை கொடுக்க வில்லை. மேலும் பணத்தை கேட்ட போது ஹரிதாஸ் அவரை தகாத வார்த்தைகளால் திட்டி கத்தியை காட்டி கொலை மிரட்டல் விடுத்ததாக கூறப்படுகிறது. இது குறித்து பாக்கியலட்சுமி அண்ணாநகர் போலீசில் புகார் அளித்தார். அதன்பேரில் போலீசார் வழக்குப்பதிவு செய்து ஹரிதாசை கைது செய்தனர்.