ஊத்தங்கரை:
சிங்காரப்பேட்டை அருகே உள்ள மகனூர்பட்டியை சேர்ந்தவர் அப்துல் மஜித். இவருடைய மனைவி ஜாயிதா (வயது 50). நேற்று முன்தினம் ஜாயிதா வெந்நீர் வைப்பதற்காக எலக்ட்ரிக் ஹீட்டரை ஆன் செய்தார். அந்த நேரம் எதிர்பாராதவிதமாக ஜாயிதாவை மின்சாரம் தாக்கியது. இதில் தூக்கி வீசப்பட்டு பலத்த காயம் அடைந்த அவரை அக்கம் பக்கத்தினர் மீட்டு சிகிச்சைக்காக ஊத்தங்கரை அரசு ஆஸ்பத்திரியில் சேர்த்தனர். ஆனால் அவர் சிகிச்சை பலனின்றி இறந்து விட்டார். இதுகுறித்து சிங்காரப்பேட்டை போலீசார் விசாரணை நடத்தி வருகின்றனர்.