குண்டடம்
குண்டடத்தை அடுத்துள்ள காஞ்சிபுரத்தை சேர்ந்த ராமசாமி என்பவரது மகன் சிதம்பரம் வயது32. இவர் கட்டிட தொழிலாளியாக வேலை செய்து வந்தார். நேற்று தாராபுரம் பகுதியில் கட்டிட வேலை செய்துவிட்டு இரவு காஞ்சிபுரம் நோக்கி மோட்டார் சைக்கிளில் சிதம்பரம் சென்று கொண்டிருந்தார். காஞ்சிபுரம் அருகே வந்தபோது நிலை தடுமாறி கீழே விழுந்ததில் தலையில் பலத்த காயமடைந்தார். அப்போது அந்த வழியாக வந்தவர்கள் அவரை மீட்டு தாராபுரம் அரசு மருத்துவமனைக்கு அனுப்பி வைத்தனர். ஆனால் செல்லும் வழியிலேயே அவர் பரிதாபமாக இறந்தார். இதுபற்றி குண்டடம் போலீசார் வழக்குப்பதிவு செய்து விசாரணை நடத்தி வருகின்றனர்.