சுகாதார துறையில் 340 பணியிடங்களுக்கு தற்காலிக பணியாளர்கள் தேர்வு

ராமநாதபுரம்,

ராமநாதபுரம் மாவட்டத்தில் துணை சுகாதார நிலையம், நலவாழ்வு மையங்களில் ஒப்பந்த அடிப்படையில் பணியாற்ற 340 பணியிடங்களுக்கு ஆட்கள் தேர்வு செய்யப்பட உள்ளதாக கலெக்டர் சங்கர்லால் குமாவத் தெரிவித்து உள்ளார்.

ஆட்கள் தேர்வு

மருத்துவம் மக்கள் நல்வாழ்வுத்துறையின் கீழ் ராமநாதபுரம் மாவட்டத்தில் செயல்படும் துணை சுகாதார நிலையம் நலவாழ்வு மையங்களில் உள்ள 218 இடைநிலை சுகாதாரப் பணியாளர் பதவிக்கும், 122 பல்நோக்கு சுகாதார பணியாளர் ஆண் விண்ணப்பதாரர்கள் மட்டும், சுகாதார ஆய்வாளர் பதவிக்கும் ஒப்பந்த அடிப்படையில் முற்றிலும் தற்காலிகமாக பணிபுரிவதற்கு ஆட்கள் தேர்வு செய்யப்பட உள்ளனர். இதற்கு தகுதியானவர்கள் பூர்த்தி செய்யப்பட்ட விண்ணப்பங்களை 15.12.21 அன்று மாலை 5 மணிக்குள் செயற்குழு செயலாளர், மாவட்ட நலவாழ்வு சங்கம் மற்றும் துணை இயக்குனர் சுகாதாரப் பணிகள், துணை இயக்குநர் சுகாதாரப் பணிகள் அலுவலகம், ஒருங்கிணைந்த சுகாதார வளாகம், சிகில் ராஜவீதி, கேணிக்கரை, ராமநாதபுரம் என்ற முகவரிக்கு அனுப்ப கேட்டுக் கொள்ளப்படுகிறார்கள்.

பதிவிறக்கம்