நாட்டுத் துப்பாக்கி வைத்திருந்த 2 பேர் கைது
நாட்டுத் துப்பாக்கி வைத்திருந்த 2 பேர் கைது;
வாணியம்பாடி
திருப்பத்தூர் மாவட்டம், வாணியம்பாடியை அடுத்த ஆலங்காயம் அருகே உள்ள கல்லரப்பட்டி, பூங்குளம் ஆகிய இடங்களில் வன விலங்குகளை வேட்டையாட அனுமதிபெறாமல் நாட்டுத்துப்பாக்கி பதுக்கி வைத்திருப்பதாக மாவட்ட போலீஸ் சூப்பிரண்டு பாலகிருஷ்ணனுக்கு கிடைத்த ரகசிய தகவலின் பேரில், கல்லரபட்டி, பூங்குளம் பகுதிகளில் ஆலங்காயம் போலீசார் ரோந்து பணியில் ஈடுபட்டனர்.
அப்போது கல்லரபட்டியில் சின்னபையன் என்பவர் வீட்டிலும், பூங்குளம் பகுதியில் சாமிநாதன் என்பவர் வீட்டிலும் நடத்திய சோதனையில் அனுமதியின்றி வீட்டில் பதுக்கி வைத்திருந்த 2 நாட்டுத் துப்பாக்கிகளை பறிமுதல் செய்தனர். மேலும் அவர்கள் 2 பேர் மீதும் வழக்குபதிவு செய்து கைது செய்து விசாரணை மேற்கொண்டு வருகின்றனர்.