வீட்டு சுவர் இடிந்து மூதாட்டி பலி

மங்களமேடு:

பெரம்பலூர் மாவட்டம், வேப்பந்தட்டை தாலுகா, மங்களம் கிழக்கு காலனி தெருவை சேர்ந்தவர் பழனிமுத்து. இவரது மனைவி பாப்பா (வயது 72). இவர் நேற்று மதியம் இயற்கை உபாதை கழிப்பதற்காக தனது வீட்டைெயாட்டிய சந்துக்குள் சென்றார்.

அப்போது வீட்டின் மண் சுவர் இடிந்து பாப்பா மீது விழுந்தது. இதில் அவர் இடிபாடுகளுக்கிடையே சிக்கி உயிருக்கு போராடினார். இதனை கண்ட அக்கம், பக்கத்தினர் பாப்பாவை மீட்டு சிகிச்சைக்காக பெரம்பலூர் அரசு மருத்துவமனையில் சேர்த்தனர்.

அங்கு அவரை பரிசோதித்த டாக்டர்கள் பாப்பா ஏற்கனவே இறந்து விட்டதாக தெரிவித்தனர். இது தொடர்பாக மங்களமேடு போலீசார் வழக்குப்பதிவு செய்து விசாரணை நடத்தி வருகின்றனர்.