கார் மோதி தொழிலாளி பலி

கடையம்:

கடையம் அருகே பால்வண்ணநாதபுரத்தைச் சேர்ந்தவர் தாவீது ராஜ் (வயது 45). இவர் அப்பகுதியில் உள்ள தனியார் நிறுவனத்தில் தொழிலாளியாக வேலை செய்து வந்தார். இவர் சம்பவத்தன்று இரவில் வேலை முடிந்து சைக்கிளில் தனது வீட்டுக்கு சென்று கொண்டிருந்தார். அப்போது அந்த வழியாக சென்ற கார் திடீரென்று சைக்கிளின் மீது மோதி விட்டு நிற்காமல் சென்றது. இதில் பலத்த காயமடைந்த தாவீது ராஜ் சம்பவ இடத்திலேயே பரிதாபமாக இறந்தார். இதுகுறித்து கடையம் போலீசார் வழக்குப்பதிவு செய்து, விபத்து ஏற்படுத்திய கார் டிரைவரை வலைவீசி தேடி வருகின்றனர்.