தூத்துக்குடியில் டிரைவருக்கு கொலைமிரட்டல் விடுத்த 3 பேரை போலீசார் கைது செய்தனர்

தூத்துக்குடி வர்த்தகரெட்டிபட்டியை சேர்ந்தவர் சுப்பிரமணியன் (வயது 55). டிரைவர். இவருடைய மகன் முத்து (21). இவருக்கும், தூத்துக்குடி மேல வாகைகுளம் பகுதியை சேர்ந்த தர்ம குட்டி மகன் ஆறுமுகநயினார் (21) என்பவருக்கும் இடையே மோட்டார் சைக்கிள் பழுது நீக்குவதில் ஏற்பட்ட தகராறில் முன்விரோதம் இருந்து வந்து உள்ளது. இதன் காரணமாக சம்பவத்தன்று, ஆறுமுகநயினார், அவரது நண்பர்கள், மேல வாகைக்குளத்தை சேர்ந்த லட்சுமணன் (20). முடிவைத்தானேந்தல் யாதவர் தெருவை சேர்ந்த முத்துமாலை (21), பார்வதி ராஜா (19) உள்பட 8 பேர் முத்துவின் வீட்டுக்கு சென்று உள்ளனர். அப்போது முத்து வீட்டில் இல்லை. இதனால், அவரது தந்தை சுப்பிரமணியனிடம் தகராறு செய்து கொலை மிரட்டல் விடுத்தார்களாம்.

இதுகுறித்து சுப்பிரமணியன் அளித்த புகாரின் பேரில் தட்டப்பாறை போலீசார் வழக்குப்பதிவு செய்தனர். இது தொடர்பாக உதவி போலீஸ் சூப்பிரண்டு சந்தீஸ் விசாரணை நடத்தினார். தொடர்ந்து லட்சுமணன், முத்துமாலை மற்றும் பார்வதி ராஜா ஆகிய 3 பேரையும் போலீசார் கைது செய்தனர். மற்ற 5 பேரையும் தேடி வருகின்றனர்.