மழையில் வீடு இடிந்து சேதம்

கோத்தகிரி

கோத்தகிரி மற்றும் அதன் சுற்றுவட்டார பகுதிகளில் கடந்த சில நாட்களாக பலத்த மழை பெய்து வருகிறது. இதன் காரணமாக நேற்று அதிகாலை கோத்தகிரி அருகே உள்ள குஞ்சப்பனை கிராமத்தை சேர்ந்த சிந்தாமணி என்பவரது வீட்டின் ஒரு பகுதி இடிந்து விழுந்து சேதம் அடைந்தது. 

இதுகுறித்து தகவல் அறிந்த வருவாய்த்துறையினர் சம்பவ இடத்திற்கு சென்று ஆய்வு செய்தனர். மேலும் பாதிக்கப்பட்ட பெண்ணுக்கு அரசு வழங்கும் நிவாரண தொகையான 4,100 ரூபாயை வழங்க நடவடிக்கை எடுக்கப்படும் என்று தெரிவித்தனர்.