மோட்டார் சைக்கிளில் இருந்து தவறி விழுந்த கட்டிட மேஸ்திரி சாவு

கறம்பக்குடி அருகே உள்ள நரங்கியப்பட்டு கோனார் தெருவைச் சேர்ந்தவர் ரமேஷ் (வயது 47). கட்டிட மேஸ்திரி. இவர் கறம்பக்குடியில் இருந்து மோட்டார் சைக்கிளில் கடுக்காகாட்டிற்கு சென்று கொண்டிருந்தார். கறம்பக்குடி அக்னி ஆற்று பாலம் அருகே சென்ற போது மோட்டார் சைக்கிளில் இருந்து தவறி கீழே விழுந்தார். அக்கம்பக்கத்தினர் அவரை மீட்டு புதுக்கோட்டை அரசு மருத்துவக்கல்லூரி மருத்துவமனையில் சேர்த்தனர். அங்கு சிகிச்சை பலன் இன்றி ரமேஷ் இறந்தார். இது குறித்து அவரது மனைவி செல்வராணி கறம்பக்குடி போலீசில் புகார் கொடுத்தார். அதன்பேரில், போலீஸ் சப்-இன்ஸ்பெக்டர் சாந்தி வழக்குப்பதிவு செய்து விசாரணை நடத்தி வருகிறார்.