தூத்துககுடியில் பணம் கேட்டு தொழிலாளியை அரிவாளால் வெட்டிய 2பேர் கைது செய்யப்பட்டனர்

தூத்துக்குடி முனியசாமி கோவில் தெருவைச் சேர்ந்தவர் துரைராஜ் (வயது 48). தொழிலாளி. இவர் சம்பவத்தன்று இரவு தனது நண்பரான தூத்துக்குடி எஸ்.எஸ்.பிள்ளை தெருவைச் சேர்ந்த அருண் (43) என்பவருடன் தூத்துக்குடி 1-வது ரெயில்வே கேட் பகுதியில் சென்று கொண்டு இருந்தார். அப்போது அங்கு வந்த தூத்துக்குடி பூபாலராயபுரத்தைச் சேர்ந்த லூர்துசாமி மகன் ஜெர்விந்த் (22), தூத்துக்குடி திரேஸ்புரத்தைச் சேர்ந்த அசோக் மகன் பூபஸ்டன் (27) ஆகிய 2 பேரும் வழிமறித்து துரைராஜிடம் பணம் கேட்டு அரிவாளால் வெட்டினார்களாம்.

இதுகுறித்த புகாரின்பேரில், வடபாகம் போலீஸ் இன்ஸ்பெக்டர் முருகன் வழக்குப்பதிவு செய்து ஜெர்விந்த், பூபஸ்டன் ஆகிய 2 பேரையும் கைது செய்தார். கைதான ஜெர்விந்த் மீது 12 வழக்குகளும், பூபஸ்டன் மீது 3 வழக்குகளும் உள்ளதாக போலீசார் தெரிவித்தனர்.