வீட்டு சுவர் இடிந்ததில் முதியவர் பலி

ஓசூர்:

ஓசூர் மூக்கண்டபள்ளி அருகே எம்.எம்.நகரை சேர்ந்தவர் கிருஷ்ணப்பா (வயது 70). இவர் வீட்டில் தனியாக வசித்து வந்தார். கடந்த சில நாட்களாக ஓசூர் பகுதியில் கனமழை மற்றும் சாரல் மழை என மாறி, மாறி தொடர்ந்து பெய்தது. இந்த நிலையில் நேற்று முன்தினம் இரவு முதியவர் கிருஷ்ணப்பா வீட்டில் தூங்கிக்கொண்டு இருந்தார். அப்போது அவரதுவீட்டின் மண் சுவர் மழைக்கு இடிந்து விழுந்தது. இதில் இடிபாடுகளில் சிக்கி உயிருக்கு போராடிய அவரை அக்கம், பக்கத்தினர் மீட்டு ஓசூர் அரசு ஆஸ்பத்திரிக்கு கொண்டு சென்றனர். ஆனால், வழியிலேயே முதியவர் பரிதாபமாக இறந்தார்.