வாகனம் மோதி தொழிலாளி பலி
தேவகோட்டை அருகே வாகனம் மோதி தொழிலாளி பலியானார்.
தேவகோட்டை,
தேவகோட்டை அருகே சாத்திகோட்டை காலனியை சேர்ந்தவர் சீனி. இவருடைய மகன் சுந்தரராஜ் (வயது 35). தொழிலாளி. இவர் நேற்று முன்தினம் இரவு தனது மோட்டார் சைக்கிளில் தேவகோட்டையில் இருந்து வீட்டுக்கு திரும்பிக் கொண்டிருந்தார். அப்போது இவருக்கு பின்னால் வந்த அடையாளம் தெரியாத வாகனம் சுந்தரராஜ் மீது மோதியது. இதில் தூக்கி வீசப்பட்ட அவர் சம்பவ இடத்திலேயே பலியானார். இது குறித்து தேவகோட்டை தாலுகா போலீசார் வழக்குப்பதிவு செய்து சுந்தரராஜ் மீது மோதிய வாகனத்தை தேடி வருகின்றனர்.