மயிலம் அருகே சாலை விபத்தில் எலக்ட்ரீசியன் பலி

மயிலம் அருகே

சாலை விபத்தில் எலக்ட்ரீசியன் பலி

மயிலம், நவ.9-

மயிலம் அருகே ஆதனப்பட்டு கிராமத்தை சேர்ந்தவர் சுப்பிரமணி மகன் சிவபெருமான் (வயது 42). எலக்ட்ரீசியன். இவர் நேற்று முன்தினம் மாலை மயிலத்திலிருந்து கூட்டேரிப்பட்டு மார்க்கமாக நடந்து சென்றார். அப்போது அந்த வழியாக வந்த அடையாளம் தெரியாத வாகனம் ஒன்று சிவபெருமான் மீது மோதிவிட்டு நிற்காமல் சென்று விட்டது. இதில் பலத்த காயமடைந்த அவர் சம்பவ இடத்திலேயே பரிதாபமாக உயிரிழந்தார். இதுகுறித்து மயிலம் போலீசார் வழக்குப்பதிவு செய்து விசாரணை நடத்தி வருகின்றனர்.