தூத்துக்குடி மாவட்டத்தில் மது விற்ற 12 பேரை போலீசார் கைது செய்தனர்

தூத்துக்குடி மாவட்டத்தில் அனுமதியின்றி மது விற்பனை செய்யப்படுகிறதா என்று போலீசார் தீவிர கண்காணிப்பு பணியில் ஈடுபட்டு இருந்தனர். அப்போது, மாவட்டத்தில் பல்வேறு இடங்களில் அனுமதியின்றி மது விற்பனை செய்ததாக 12 பேரை போலீசார் கைது செய்தனர். அவர்களிடம்இருந்து 65 மதுபாட்டில்களையும் போலீசார் பறிமுதல் செய்தனர். இது தொடர்பாக சம்பந்தப்பட்ட போலீசார் வழக்கு பதிவு செய்து விசாரணை நடத்தி வருகின்றனர்.