வீடு புகுந்து நகை திருட்டு
வீடு புகுந்து நகை திருட்டு குறித்து போலீசார் விசாரணை நடத்தி வருகின்றனர்.;
மதுரை,
மதுரை கருப்பாயூரணி மல்லிகை நகர் பகுதியை சேர்ந்தவர் கார்த்திக் (வயது 30). இவர் வெளியூர் சென்றிருந்தார். பின்னர் திரும்பி வந்து பார்த்தபோது வீட்டின் முன்பக்க கதவு உடைக்கப்பட்டு இருந்தது. உள்ளே சென்று பார்த்தபோது பீரோவில் இருந்த 5 பவுன் நகை, 250 கிராம் வெள்ளி, பித்தளை குத்து விளக்கு, தங்க நாணயம், டி.வி. உள்ளிட்ட பொருட்கள் திருடுபோனது தெரியவந்தது. இதுகுறித்து கார்த்திக் மாட்டுத்தாவணி போலீசில் புகார் அளித்தார். அந்த புகாரின் பேரில் போலீசார் வழக்குப்பதிவு செய்து விசாரித்து வருகின்றனர்.