‘தினத்தந்தி’ புகார் பெட்டி

திருச்சி செந்தண்ணீர் புரம் மாநகராட்சி தொடக்கப்பள்ளியில் மழை நீர் தேங்கி இருப்பதால் சேறும், சகதியுமாக காட்சியளிக்கிறது. இதனால் மாணவ, மாணவிகள் நடக்க முடியாமல் சிரமம் அடைந்து வருகிறார்கள். எனவே சம்பந்தப்பட்ட மாநகராட்சி நிர்வாகம் செந்தண்ணீர்புரம் பள்ளியை பார்வையிட்டு உரிய நடவடிக்கை எடுக்க வேண்டும்.

பிரபா, திருச்சி.

திருச்சி கிழக்கு தொகுதி 35-வது வார்டு ஏர்போர்ட் ஜே.கே. நகர், ரோஜா தெரு சாலைகள் மிகவும் மோசமான நிலையில், சேறும் சகதியுமாக உள்ளது. இங்கு தேங்கியிருக்கும் தண்ணீரால் தொற்றுநோய் பரவும் அபாயம் உள்ளது. இந்த சாலையில் செல்லும் வாகன ஓட்டிகள் மிகவும் சிரமம் அடைந்து வருகிறார்கள். எனவே சம்பந்தப்பட்ட துறை அதிகாரிகள் இச்சாலையை சீரமைக்க வேண்டும்.

மணிகண்டன், ஜே.கே.நகர், திருச்சி.

திருச்சி மாநகர் 41-வது வார்டு கிருஷ்ணமூர்த்தி நகர் விஸ்தரிப்பு பகுதியில் கடந்த 3 நாட்களாக மழை நீர் தேங்கி நிற்கிறது. மக்கள் வெளியே வரமுடியாத நிலையில் உள்ளது. எனவே மாநகராட்சி அதிகாரிகள் உரிய நடவடிக்கை எடுக்க வேண்டும்.

ரதி, கிருஷ்ணமூர்த்தி நகர், திருச்சி.

திருச்சி மாவட்டம் பொன்மலையில் உள்ள மாவடி குளத்தில் ஆகாய தாமரை அடர்ந்து வளர்ந்து உள்ளது. எனவே சம்பந்தப்பட்ட துறை அதிகாரிகள் இந்த ஆகாய தாமரையை உடனடியாக அகற்ற நடவடிக்கை எடுக்க வேண்டும்.

பாண்டிமதி துரைராஜ், காரூண்யா நகர், திருச்சி.

திருச்சி மாவட்டம் துறையூர்-பெரம்பலூர் புறவழிச்சாலையில் மலையப்பன் சாலை வழியாக குட்டக்கரை செல்வதற்கு சமீபத்தில் புதிதாக தார்சாலை அமைக்கப்பட்டது. தற்போது இந்த சாலை ஆரம்பிக்கும் இடத்தில் மிகப்பெரிய பள்ளம் ஏற்பட்டு உள்ளது. இரவு நேரங்களில் மழை பெய்யும் போது இந்த பள்ளம் இருப்பது தெரியாமல் இருசக்கர வாகன ஓட்டிகள் விபத்தில் சிக்கி வருகிறார்கள். எனவே சம்பந்தப்பட்ட துறை அதிகாரிகள் இந்த பள்ளத்தை மூட நடவடிக்கை எடுக்க வேண்டும். 

சரவணன் நடேசன், துறையூர், திருச்சி.

திருச்சி மாவட்டம் காட்டுப்புத்தூர் அருகே உள்ள ஏழூர்பட்டி பஸ்நிலையம் முன்பு திருச்சி-நாமக்கல் தேசிய நெடுஞ்சாலையில் ராட்சத பள்ளம் ஏற்பட்டுள்ளது. இதனால் இரவு நேரங்களில் அந்த சாலையில் செல்லும் வாகன ஓட்டிகள் நிலைத்தடுமாறி கீழே விழுந்து காயம் அடைந்து வருகிறார்கள். எனவே சம்பந்தப்பட்ட துறை அதிகாரிகள் இந்த பள்ளத்தை சீரமைக்க நடவடிக்கை எடுக்க வேண்டும்.

கனகராஜ், திருச்சி.

திருச்சி மாவட்டம், ஸ்ரீரங்கம் தாலுகா சோமரசம்பேட்டை ஊராட்சி வாசன் நகரில் கொசுத்தொல்லை அதிகரித்து உள்ளது. இதனால் அப்பகுதி மக்களுக்கு டெங்கு, மலேரியா உள்ளிட்ட காய்ச்சல் பரவும் அபாயம் உள்ளது. எனவே சம்பந்தப்பட்ட துறை அதிகாரிகள் இப்பகுதியில்  கொசுமருந்து அடிக்க வேண்டும்.

வீரமணி, சோமரசம்பேட்டை, திருச்சி.

திருச்சி மாவட்டம் துறையூர் தாலுகா மதுராபுரி ஊராட்சிக்குட்பட்ட திருவள்ளுவர் தெருவில் 10 ஆயிரம் லிட்டர் கொள்ளளவு கொண்ட மேல்நிலை நீர்த்தேக்க தொட்டி பல லட்சம் ரூபாய் செலவில் கட்டப்பட்டது. ஆனால் இது பல ஆண்டுகளாக பயன்படுத்தப்படாமல் காட்சிப்பொருளாக உள்ளது. இதனால் அரசுபணம் வீணடிக்கப்பட்டுள்ளது. எனவே சம்பந்தப்பட்ட துறை அதிகாரிகள் மேல்நிலை நீர்த்தேக்க தொட்டியை உரிய முறையில் பராமரித்து தண்ணீர் தேக்கி பொதுமக்கள் பயன் பெற ஆவண செய்ய வேண்டும்.

சுகுமாரன், திருச்சி.

திருச்சி மாவட்டம், அரியமங்கலம், 14-வது வார்டு, தஞ்சை மெயின் ரோட்டில், கிருஷ்ணாபுரம் ரோடு செல்லும் சாலையில் உள்ள டெலிபோன் கம்பம் சேதம் அடைந்து எப்போது வேண்டும் என்றாலும் கீழே சாய்ந்து விழும் நிலையில் உள்ளது. எனவே சம்பந்தப்பட்ட துறை அதிகாரிகள் இந்த டெலிபோன் கம்பத்தை அகற்ற நடவடிக்கை எடுக்க வேண்டும்.

சையது முஸ்தபா, பூக்கொல்லை தெரு, திருச்சி.