‘தினத்தந்தி’ புகார் பெட்டி

திருச்சியில் நேற்று பெய்த மழை காரணமாக கருமண்டபம் கூட்டுறவு காலனி பகுதியில் உள்ள சாலை சேறும், சகதியுமாக மாறியுள்ளது. இதனால் அந்த சாலையில் செல்லும் வாகன ஓட்டிகள் மிகவும் சிரமம் அடைந்து வருகிறார்கள். எனவே சம்பந்தப்பட்ட துறை அதிகாரிகள் இந்த சாலையை சீரமைக்க வேண்டும்.

ராதா, கருமண்டம், திருச்சி.

திருச்சி மாவட்டம் 15-வது வார்டு அந்தோணியார் கோவில் தெரு, வேதாத்திரி நகர், முனீஸ்வரன் கோயில் சந்து பகுதியில் மழை நீர் தேங்கி சேறும், சகதியுமாக காட்சியளிக்கிறது. இதனால் அந்த சாலையில் வாகனங்கள் செல்ல முடியாத நிலை ஏற்பட்டு உள்ளது. எனவே சம்பந்தப்பட்ட துறை அதிகாரிகள் இந்த சாலையை சீரமைக்க உரிய நடவடிக்கை எடுக்க வேண்டும்.

ஜோசப், திருச்சி.

திருச்சி மாவட்டம், முசிறி நகராட்சி, எம்.புதுப்பட்டி பஞ்சாயத்து பனந்தோப்பு பகுதியில் தற்போது பெய்த மழையால் சாலை மிகவும் சேறும், சகதியுமாக காட்சியளிக்கிறது. இதனால் அந்த சாலையில் வாகனங்கள் செல்ல முடியாத நிலை ஏற்பட்டு உள்ளது. எனவே இந்த சாலையை சீரமைக்க அதிகாரிகள் நடவடிக்கை எடுக்க வேண்டும்.

பிரபா, திருச்சி.

திருச்சி மாநகராட்சி 36-வது வார்டு பொன்மலையடிவாரம் ரேஷன் கடை அருகில் உள்ள சாலை மிகவும் சேதம் அடைந்து உள்ளது. இதனால் அந்த தெரு வழியாக லாரி மூலம் பொருட்கள் எடுத்து வருவதில் சிரமம் ஏற்பட்டு உள்ளது. எனவே சம்பந்தப்பட்ட துறை அதிகாரிகள் இந்த சாலையை சீரமைக்க நடவடிக்கை எடுக்க வேண்டும்.

நீலமேகம், திருச்சி.

திருச்சி மாவட்டம் உறையூர் தாலுகா வெக்காளியம்மன் நகரில் மழை பெய்யும் போது சாக்கடை வசதி இல்லாததால் மழை நீர் சாலையில் தேங்கி நிற்கிறது. இரவு நேரங்களில் பாம்பு உள்ளிட்ட விஷ ஜந்துக்கள் குடியிருப்பு பகுதிகளில் நுழைகிறது. இதனால் பெண்கள் மற்றும் சிறுவர்கள் அச்சம் அடைந்து வருகிறார்கள். எனவே சம்பந்தப்பட்ட துறை அதிகாரிகள் இப்பகுதியில் சாக்கடை வசதி ஏற்படுத்த வேண்டும்.

கண்மணி , திருச்சி.

திருச்சி மாவட்டம் மணப்பாறை காய்கறி மார்க்கெட்டுக்கு நாள்தோறும் ஏராளமான விவசாயிகள், பொதுமக்கள் மற்றும் வியாபாரிகள் வந்து செல்கிறார்கள். ஆனால் இங்கு போதிய அடிப்படை வசதிகள் ஏற்படுத்தப்படவில்லை. குறிப்பாக காய்கறி மார்க்கெட்டில் தேங்கும் கழிவுகள் சரிவர அகற்றப்படாததால் மலைபோல் குப்பைகள் தேங்கி நிற்கிறது. இதனால் அப்பகுதியில் சுகாதார சீர்கேடு நிலவி வருகிறது. எனவே சம்பந்தப்பட்ட துறை அதிகாரிகள் குப்பைகளை உடனுக்குடன் அகற்ற நடவடிக்கை எடுக்க வேண்டும்.

சுரேஷ்குமார், மணப்பாறை, திருச்சி.

திருச்சி மாவட்டம் முசிறி தாலுகா கரட்டாம்பட்டி கிராமம் கவுண்டர் தெரு அருகில் காமன் கோவில் உள்ளது. இங்கு மழை நீர் மற்றும் கழிவு நீர் கலந்து குளம் போல் தேங்கி நிற்கிறது. இதனால் அப்பகுதி மக்களுக்கு தொற்று நோய் பரவும் அபாயம் ஏற்பட்டு உள்ளது. எனவே சம்பந்தப்பட்ட துறை அதிகாரிகள் உரிய நடவடிக்கை எடுக்க வேண்டும்.

சக்திநாதன், கரட்டாம்பட்டி, திருச்சி.

திருச்சி பீமநகர் பொன்விழா நகரின் மையப் பகுதியில் தற்போது பெய்த மழை நீர் வெளியே செல்ல முடியாமல் குளம்போல் தேங்கி நிற்கிறது. இதனால் பாம்பு உள்ளிட்ட விஷஜந்துகளின் நடமாட்டம் அதிகரித்து உள்ளது. மேலும் கொசுத்தொல்லை அதிகரித்து உள்ளதால் அப்பகுதி மக்களுக்கு டெங்கு, மலேரியா, டைபாய்டு காய்ச்சல் வரும் அபாயமும் ஏற்பட்டுள்ளது. மேலும் இப்பகுதியில் அடர்ந்து வளர்ந்துள்ள கருவேல மரங்களை சம்பந்தப்பட்ட அதிகாரிகள் வெட்டி அகற்ற வேண்டும். 

பீமா, திருச்சி.